ales_chyhir

Пачатак ХХ стагоддзя, сустракаюцца на
 Мураўёўскай вуліцы двое бабруйчан, адзін
захапляючыся новым гарнітурам другога кажа:
- Чуеш Мойша, а дзе табе такі добры гарнітур пашылі?
- У Парыжы?
- А дзе гэта?
- Ды гэта далёка 2 тысячы вёрст ад Бабруйска!!!
- Ну трэба жа такая глухмень і таксама ня дрэнна шыюць


Некалькі дзён таму, жалезная старшыня ЦВК Ярмошына распавяла ўсяму свету аб "зверствах" назіральнікаў місіі БДІПЧ АБСЕ. Якія: "на выбарчым участку павалілі ўрну для галасавання, сталі штурхаць яе нагамі і спрабаваць забраць з яе бюлетэні і спісы выбаршчыкаў. "Гэта гаворыць аб тым, што, нажаль, не ўсе назіральнікі гатовыя канструктыўна супрацоўнічаць", - сказала Лідзія Ярмошына." Крыніца інфармацыі БЕЛТА

Я жадаю выказаць свой рэспект АБСЭ за тое, што не павяліся на правакацыю лукі! І выказаць свае спачуванні ўсім нам, якім па ранейшаму прыйдзецца ісці ўбок ад цывілізаванага свету, з усімі выцякаючымі наступствамі!

Толькі не трэба казаць, што непрызнанне псеўдавыбараў – гэта заслуга такіх як я (якія пайшлі да канца) або тых хто байкатаваў гэты фарс!

Непрызнанне гэтых “выбараў” перш за ўсё “заслуга” лукі і яго падзельнікаў. Непрызнанне выбараў – гэтая чарговая параза ўсяго беларускага грамадства!.

Калі б выбары прайшлі ў адпаведнасці са стандартамі АБСЭ, то я ўпэўнены, што ў гэтым складзе ПП. НС, быў бы дастатковы адсотак прадстаўнікоў дэмакратычных сіл. І нават нягледзячы на тое, што “палатка” не мае паўнамоцтваў ( не буду ўдавацца ў юрыдычныя фармулёўкі), з'явілась бы надзея на некаторыя перамены. Прадэманстраваўшы адносна сумленныя выбары, рэжым змушаны быў бы рабіць іншыя крокі ў бок дэмакратызацыі краіны ў адказ на “бонусы” ЕС. Мы нарэшце сталі бы рухацца наперад (магчыма і марудна, але наперад), а не бегчы назад. Падкрэсліваю, гэта пры ўмове, калі бы выбары былі бы як мінімум на ўзроўні 1996 года!

У недалёкай будучыні еўрапейцаў правільнай дэмакратыі, будзе навучаць галоўны рэдактар "БЖ" Казак А. К.









 

На выбарчым участку ў спісах 1000 выбаршчыкаў. Падчас папярэдняга галасавання “прагаласавала” 35% выбаршчыкаў. У ноч з суботы на нядзелю старшыня выбарчай камісіі разам са сваім падзельнікам, памянялі бюлетэні. Які рэйтынг, павінен мець кандыдат ад дэмакратычных сіл, каб перамагчы, калі лУКА сказаў, што яўка на гэтых выбарах павінна скласці 85%?

Задача мае два варыянты рашэння!

Як паказвае шматгадовы досвед, лепш сустракацца з выбаршчыкамі неафіцыйна і на іх тэрыторыі. Сёння я праводзіў сустрэчу з людзьмі ў пасёлку Чарапічным. Вельмі дапамог сваёй прысутнасцю экс кандыдат у прэзідэнты Аляксандр Мілінкевіч (які пагадзіўся быць маёй давераннай асобай)!

Пазаўчора даў інтэрв'ю інтэрнэт выданню "Салідарнасць". Сёння яго апублікавалі. Па першае жадаю выказаць падзяку журналістцы Анастасіі Зелянковай за дакладнасць перадачы маёй думкі і прафесіяналізм! Па другое спадзяюся на каментары па злабадзённай тэме выбараў у ПП НС!

Учора ездзіў у Магілёў для запісу тэлевыступу па канале "Лад". Першы дубль выступу, я перабраў 20 секунд (з адведзеных мне 5 хвілін). Другі дубль быў больш удалым (я ўклаўся ў 4 хвіліны 20 секунд). Перад выступам мяне папудрылі і нават завязалі гальштук (я дагэтуль не навучыўся).
Выступ пакажуць заўтра! Працуючы, над падрыхтоўкай выступу я выкарыстаў матэрыялы свайго livejournal!

Паспрабую далей даследваць тэму звычак і нораваў бабруйскай вертыкалі. Сёння прапаноўваю пазнаёміцца з А. У. Маркачовым - начальнікам аддзела ідэалогіі. Асабліва актуальна ў кантэксце чарговага наезда на "Бобруйский курьер"

Учора ездзіў у гарадскі пасёлак Глуск. Па першае сустрэнецца з дэмакратычнымі актывістамі. Па другое трэба было завесці заяву ў рэдакцыю мясцовай газеты "Радзіма", аб тым, што я буду публікаваць у гэтай газеце сваю выбарчую праграму.