ales_chyhir

Вельмі хутка значная частка жыхароў нашага горада пазбавіцца магчымасці ільготнага праезду ў грамадскім транспарце. Гэта далёка не найбагацейшыя людзі, пенсіянеры, дзеці, інваліды, чарнобыльцы. Упэўнены, што гэта сур'ёзны ўдар па іх і без таго сціпламу бюджэту. Улада абяцае кампенсаваць зняццё ільгот адраснай дапамогай. Але калі гэта будзе?

Яшчэ больш упэўнены, што грошы сабраныя такім чынам не пайдуць на развіццё тралейбуснага парку. Гэтыя грошы будуць выдаткаваныя, на што заўгодна (на забаўляльныя мерапрыемствы для БРСМ, на будаўніцтва агра-гарадкоў, на падачкі чыноўнікам, на куплю выбарчых камісій). Калі дзяржава паступае не па людцку, то людскасць павінны прадэманстраваць мы самі.

Упэўнены, што ў гэтай сітуацыі надыйшоў час салідарнасці!

Таму з 17 снежня 2007 года я і мае сябры вырашылі паступаць наступным чынам: пры выхадзе з тралейбуса  перадаваць свой квіток на праезд у транспарце, ўваходзячаму ў тралейбус пенсіянеру інваліду або дзіцяці. Можна пакінуць свой талончык у тралейбусе.

Мы ўпэўненыя, што тым самым аказваем дапамогу свайму блізкаму. Не даем растаптаць чалавечую годнасць сацыяльна неабароненых грамадзян і захоўваем сваю чалавечую годнасць.